حدوتة الارنب ارنوب

حدوتة الارنب ارنوب

*************

كان ياماكان ،، في سالف العصر والاوان ،، وقبل الاوان بأوان وما يحلى الكلام إلا بذكر النبى حبيب الرحمن عليه الصلاة والسلام

كان في أرنب جميل أسمة أرنوب

أرنوب كان بيجرى ويلعب وينط وفجأة وقع على راسة وأغمى علية ولما فاق لقي نفسة مش فاكرة حاجة خالص أرنوب نسى كل حاجة حتى كمان نسى اسمة ومابقاش فاكر خالص
ولما كان أرنوب ماشي في الغابة شاف السلحفاة سلحوفة

سلحوفة قالت لأرنوب صباح الخير ياأرنوب
أرنوب فرح قوووى وقال أنا عرفت اسمى أنا أرنوب أنا أرنوب
إستغربت سلحوفة من الى بيعملة أرنوب لكن أرنوب فضل يصرخ ويقول أنا أرنوب
ومشى أرنوب وشاف مين التعلب تعلوب كان قاعد يدور على أكل وعلى أى فريسة عشان ياكلها أرنوب راح لتعلوب وكان فاكرة صديقة وقال ازيك ياصديقي ممكن نلعب مع بعض تعلوب استغرب وقال معقول أرنوب قدامى بشحمة ولحمة دى وجبة حلوة ومش لازم تضيع منى تعلوب قال لأرنوب تعال معايا بيتى وهنلعب هناك
أرنوب راح معاة وشاف تعلوب بيحضر اناء كبير وحطة على النار أستغرب أرنوب وقال احنا هناكل ولا هنعلب ياصديقي
تعلوب رد علية هنلعب ولما نتعب نقعد ناكل
أرنوب قال لتعلوب وياترى هنلعب اية؟؟؟؟؟
تعلوب قال احنا هنعد لحد عشرة والى يغلط فينا يبقي هو الخسران أرنوب قال
واية عقاب الخسران ياصديقي تعلوب رد علية
الخسران هيضرب على راسة بالعصاية دى ورفع تعلوب العصاية وضرب أرنوب على راسة وفجاة أفتكر أرنوب كل حاجة وقعد يفكر ازاى يخرج من المطب دا تعلوب قال لارنوب دا عقابى ليك لو خسرت تفتكر اية هيكون عقابك لى لو انا الى خسرت جرى أرنوب ورمى اناء الماء الساخن على تعلوب وقال له دا هيكون عقابك